कार्तिके युग

कार्तिक मासको

सदावहार युगमा

पुच्छर् हल्लाउँदै

क्याटवल्क हाउ-भाऊमा

'हट-स्प्रे' मगमगाउदै

सडक बिच र छेउ-छाऊमा

डुलिरहेछन

चार पाऊमा

लेघ्रो तान्दै,लोक तालमा

सुसेल्दै झ्याउरे चालमा

हात हल्लाउदै खुट्टा उफार्दै

हिप्-हप् र र्‍यापमा

ग्रन्ज,पंक र रकसँगै

झ्याउ-झ्याऊमा

लखर लखर,भर्खर

मात चढेकाहरु र

दाँत झरेकाहरु पनि

सुँघ्दै-सुँघ्दै गन्धहरु

र्‍याल चुहाँउदै

ङ्यार-ङ्यार ङुर-ङुर गर्दै

भित्ता र खम्बारुमा

ठाँउ-बेठाँऊमा

तिरिक्क! पार्दै, तिन पाउमा

पार्क,चौतारी र चौबाटोहरुमा

ठाँउ-कुठाँऊमा

भव तर्दै,चड्दै नाउमा

ब्यस्त छन

मस्त छन

डुङ्गा खिँयाऊन

धुम मचाऊन

यो कार्तिके युगमा

एल्. सि.,बुलडग र भुस्याहरु

लडिरहेछन,जुँधिरहेछन

पुच्छर गसाँऊन

छाउरा-छाउरामा

छाउरी-छाउरीमा

माउ-माऊमा

टोल-बजार, गाँऊ-गाँऊमा

कुँकिरहेछन,चुँकिरहेछन

एक-आपसको

भुकि-भुकाउमा

टोकि-टोकाउमा।।

~महाकाल, nov.2009