जीवन!
एउटा ठेट परिकल्पना
स्वप्न-बिहिन
मस्त निन्द्राको अकल्पनिय
असिम संसारमा
बेअर्थले बेमतलब
निरन्तर घुमिरहेको
अकाल-चक्र!
एउटा ब्यासको
सिमित परिधिभित्र
जकडिएको
चिडियाघरको पशु-पंक्षिहरुको
सोच-बिचार र अनुभवबाट
टुङिएको निस्कर्ष!
एउटा अज्ञात
रहस्यमयी
अपूर्व घटना पश्चात
बसेको नशा बानी
लत आदत र संस्कारले
दिन र रात
बादल र झरी
अनि
घन्टी र खानाको
नियम मान्यता!
मौसम बेमौसममा
प्रकिति उताउलिएर
ब्रम्हाण्डसँगको समागमले
बसेको जायज नाजयज गर्भले
क्षणभर देखेको
एउटा अनन्त लामो सपनाबाट
झल्यास्स!,
ब्युँझदाको समय
...अकाल-चक्र!
~Monolith,2004
No comments:
Post a Comment